梁子強康韻蘭30周年分享  



大家好,今日好榮幸被邀請喺呢度同大家分享我同我先生30年的婚姻見證。

我想一段婚姻如果雙方嘅付出都係一樣嘅話,當然係最理想啦。但係亦有可能一方比另一方付出會多啲。

其實相對嚟講我比較任性,我一直以來都好多興趣同埋嗜好,而我先生都好包容我。

例如:我學習花藝已經10幾年,佢一路而嚟都一直係背後默默支持我。好似佢會陪我去花墟買花材,可能大家吾知,花材其實真係好重架。講俾大家知,我先生宜家佢都好鐘意園藝添。

我經常係屋企廢寢忘餐去插花或者做手工藝,佢亦會喺旁邊陪伴我,有時仲會俾啲意見我。

我本身係天主教徒,而我先生暫時仲未係。但係重要嘅節日,佢一定會主動提出陪我到教堂。

我相信正如我頭先所講嘅,我先生比我付出比較多。所以我好感恩我哋就係咁不經不覺已經一同生話了三十載。

我哋更加相信一個小朋友能在一個信仰家庭中成長,是一件很幸福、美滿的事。

感恩地我個仔可以就讀在同一間天主教學校完成中小學課程,而且佢從小學到中學期間,都擔任輔祭的職務。所以我深信有宗教信仰嘅家庭及學校對一個小朋友嘅信仰培育是好重要嘅基石。

我吾知大家聽到呢度係咪已經瞓着咗呢,但係我未講完架。

好感恩亦多謝天主俾我一個咁難得嘅機會喺呢度同大家分享另一件事,就係我個仔同佢嘅女朋友將會喺2020年喺玫瑰堂呢度舉行婚禮。兩個人能夠相識,然後共訂婚盟,也是一種緣份,婚姻係對雙方的終身盟約和美麗的承諾。

我希望佢地要永遠都會記住這是同對方作出一生一世嘅婚姻承諾。

所以我好希望我同我先生將來可以喺玫瑰堂呢度聽到佢哋兩個同大家分享佢哋嘅婚姻見證。

主佑大家!


梁子強 康韻蘭 29 Dec 2018