聖誕巴士報佳音及聖誕樹亮燈儀式

「願聖誕節的驚喜帶來感恩與團結」, 這正是教宗於去年年終感恩晚禱的訊息, 也是我們尖沙咀玫瑰堂的主辦團體基督青年行及輔祭會的兄弟姊妹們於今年12月11日聖誕報佳音時的寶貴經驗。當天適逢是「喜樂」主日, 我們ㄧ衆70位被「特訓」並配備聖誕帽、小道具及福傳物品的歌詠團及教友, 懷著興高采烈的心情登上被掛上福傳佳音横額的紅色開篷巴士裏, 開始了我們載歌載帽載樂的旅程。

我們非常感恩在那兩小時的車程裏, 我們的車和人所到之處包括尖沙嘴星光大道、天星碼頭、彌敦道、廣東道等, 都充滿著我們的聖誕歌聲、結他及笛子伴奏聲、祝福語, 同時, 在街道上也有不少的行人及在傍的車輛司機向我們揮手歡呼。為此, 我們要衷心感謝天主!

另外, 我們的團隊也經驗到份外的共融團結, 由上至下即神父們、司機、樂手、僕人們和參加者, 真的是各司其職, 甚至小朋友們也歡天喜地地分派了所有的福傳物品給途人。

難得的是, 參加了今次報佳音的年青人也有所得著, 我們邀請了幾位輔祭在以下分享:

Julia:
今次係我第一次坐住巴士carolling 大家氣氛都好好🫶🏻
見到好多街邊嘅路人都願意接收我哋嘅file 或者傳教物品真係超級開心同埋有滿足感的🥺終於開始感受到有啲聖誕氣氛啦。非常感謝所有有份統籌同埋參與嘅兄弟姊妹🙏🙏🙏希望之後仲有機會見到大家💗💗💗

Coco:
今次係我第一次報佳音 好開心有呢個機會可以同幾位輔祭同埋其他大朋友小朋友一齊以歌聲傳福音spread呢份耶穌誕生嘅喜悅 雖然巴士頂層吹風好凍 但仍然好溫暖嘅係見到路人都好enjoy我地唱嘅聖誕歌 同我地打招呼 仲樂意接受我地送嘅file同月曆卡🫶🏻

Fiona:
好感恩我可以有機會同一班弟兄姊妹好好運用天父給我哋既才華一齊去報佳音,和路人分享耶穌即將降生的喜訊。係疫情期間,我哋冇咗好多活動,我好感恩天主賜予機會畀我哋舉行呢個活動。呢次亦都係我第一次去傳教,我終於有機會去實行我哋身為天主子女的使命,希望呢次活動可以令更加多人認識天主。

Bertha:
第一次同成班教友一齊係出街報佳音,分享耶穌誕生嘅喜訊,大家一齊唱聖誕歌,個氛圍好開心,完全配合到天主叫我哋要喜樂嘅訊息。見到大大細細都好落力咁樣去派發福傳物品,希望更多人可以透過今次嘅活動認識天主、接近天主。

刊登於 16-12-2022